高雄 左營區預售屋 ﹝鑫高鐵﹞

「鑫高鐵」，位置在左營區華夏路上近重平路，離三鐵約500米﹝高鐵、台鐵及捷運﹞，步行五分鐘可至。建案樓高23層，地下6層，2-3房，3梯11戶，共230戶住家，2店面。預計2020年尾完工。

個人認為建案優點有：-
1. 近三鐵、巴士站，交通方便。
2. 明星學區，重要係雙學區，國小跟國中都係總量管制既明星學校。
3. 生活機能不錯，附近有百貨公司，又有24小時便利店。
4. 每戶都配備2套衛浴，同類型建案較少有。
5. 樓底高3米6，可規劃樓中樓。
5. 價格尚算合理，未來增值性高。


個人認為建案缺點有：-
1. 3梯11戶，台灣人黎講，單層戶數算多。
2. 室內無間隔牆，要預留資金施作。
3. 停車位不夠，比例不足一比一。


附圖中A9戶型，為2房細單位，可買車位，建坪21.06坪，實用14.11坪。19樓，樓層高度可望穿對面大樓，景觀開揚。開價582萬新台幣，機械上層車位95萬新台幣，共677萬新台幣。

接持中心內設有A5戶型示範單位，屬於三房戶型，建坪28.29坪，實用18.95坪。空間感不錯，三間房都唔細（同香港比），都可以放到雙人床。開價7百幾8百萬，車位另計。估計成交價在7百多萬連車位。

屋企人買唔成「仰德‧漾」，睇咗呢個建案後，最鐘意係兩房單位都有兩套衛浴，市場上較稀有，同埋3米6既樓底，將來裝修更有彈性，最後決定入手。經過半天議價，成交價約係開價既8折左右。

廁所收樓標準

廚房收樓標準（開放式）

高雄市 左營區預售屋﹝鑫巨蛋﹞

「鑫高鐵」，位置在左營區至真路301號。建案樓高15層，地下3層，2-3房，共221戶住家，6店面。應該今年年尾可收樓。

個人認為建案優點有：-
1. 近漢神巨蛋，地點不錯。
2. 特別强調建築工法特別，用5000磅水泥澆置，繫筋180度與90度彎鉤交錯，加强建築安全。
3. 生活機能不錯，離瑞豐夜市及巨蛋捷運不遠，走路可到。
5. 價格尚算合理。
6. 兩房也能配置車位。


個人認為建案缺點有：-
1. 室內無間隔牆，要預留資金施作。

呢個盤因為快完成關係，係建案現場可以安排睇現樓，因為仲係建築工地，入現場睇實樓需配戴安全帽，係香港無可能比你入工地。

   

今次係591睇到「鑫高鐵」做優惠，故去睇下了解下。附圖B8 戶型屬兩房間隔，原價588萬新台幣，加機械下層車位120萬，總共708萬新台幣。因為4樓做緊廣告優惠價，連車位588萬新台幣。呢個廣告價，同銷售人員多傾兩句後，還可再減。

台灣人同一般中國人一樣，都係唔鐘意'4'字，所以多數樓盤4樓會特別便宜，因此，所謂嘅廣告戶，多數係4樓。

高雄市租屋記

今年暑假同囝仔去咗高雄一個月多啲，唔想住酒店，於是係591揾下有無短期租約既單位，最終揾咗間可以短租一個月既兩房單位。

單位位於左營區，離巨蛋約10分鐘步程，離左營火車站約5分鐘步程。月租3萬新台幣，兩房單位，樓齡頗舊(23年)，但勝在景觀超靚，同大樓既管理做得幾好。

因為只租一個月關係，租金會係貴50%左右。正常一年租約黎講，租金大約2萬新台幣左右。

住得呢棟大樓，當然要八下住緊既單位樓價啦。原來二十幾年樓，有景觀KEEP得好，個價都幾硬淨，兩房單位都要開價4、5百萬新台幣。

天呀! 呢個價可以買到新樓了...........
當然實際成交可能打個八折左右